ماستهلش دموعك يارب انا اسف ممكن تخبينى ف حضنك؟

ماستهلش دموعك يارب انا اسف ممكن تخبينى ف حضنك؟انا : بص بقا يارب انسى ان انا ابنك انسى انك تعرفنى
ماتدورش عليا تانى انا حابب الحياه اللى انا فيها
مبسوط وبضحك والعب انا مرتاح كده

=ربنا : انت متاكد انك مرتاح؟ طيب ليه قلبك حزين؟!
-انا :عادى يعنى يارب مش لازم ابقى دايما مبسوط...
=ربنا : بس انا ضحيت بحياتى عشان تبقى انت مبسوط
-انا : انت ماضحتش بحياتك عشانى انا...
انت جيت للناس الكويسين مش اللى زيى

=ربنا : طيب هو مين اللى بيحتاج يروح للطبيب؟
-انا : المريض

=ربنا : انا جيت للمريض اللى زيك عشان هو دا اللى هيحتاجلى
-انا  ايوه يارب بس انا مافيش منى فايدة عمرى ماهتصلح لما انا يئست من نفسى انت يارب لسه عندك امل فيا !!!

=ربنا : مش من حقك تيأس لانك المفروض تتكل عليا..
كل المطلوب منك انك تسلمنى نفسك وانا هساعدك وهغيرك
-انا : بس انا تعبااااااااااااااااان اوى يااااااااااااااااااااارب

=ربنا : راحتك معايا
-انا : طيب مانا زعلتك كتير ولسه بزعلك!!

=ربنا : وانا مش هبطل اسامحك..
-انا : مش عايز اوجع قلبك تانى يارب سيبنى احسن

=ربنا : ماقدرش اسيبك انت ابنى وانا بحبك
-انا : ماستهلش دموعك يارب انا اسف ممكن تخبينى ف حضنك؟