8:48 م
مريم
نداء إلى «السيسي».. «كمل جميلك وخلصنا من كمل جميلك»..!
ربنا يشفيهم.. ويكون في عون «السيسي» إللي مستحمل الأشكال دي لغاية دلوقت.. هكذا كان تعليق زوجتي المصون على خبر اعتزام حملة «كمّل جميلك» لترشح وزير الدفاع الفريق أول عبد الفتاح السيسي رئيسًا للجمهورية، رفع دعوه قضائيه ضد السيسي حال رفضه الاستجابة للإرادة الشعبية المطالبة بتوليه رئاسة الجمهورية رغم أنفه..!
ولأن زوجتي المصون ست دوغري وليس لها في اللف أو الدوران.. ومن الشقة للبيت ومن البيت للشقة.. فقد قالت كلاما غير مسموح بنشره، تهاجم فيه أعضاء الحملة.. ليس لأنها ضد السيسي لا سمح الله.. ولكنها ضد الطريقة الفجة والنفاق المبتذل الذي يتعامل به البعض تجاه الفريق.. وهي طريقة تكاد تكون أرخص من نفاق بعض السلفيين للإخوان..!
ولأن أيضا لسان زوجتي زي مضرب التنس.. فقد أطلقت له العنان، عندما بررت حملة «كمل جميلك» سبب رفعها للدعوى ضد السيسي، بأن الفريق خرق الاتفاق إللي بينه وبين الشعب في 30 يونيو، و3 يوليو، و26 يوليو.. وقالت زوجتي: ليه بيعملوا كده في الراجل.. هو كان طلب منهم إنهم يعملوا كده.. ولا هما بيحبوا يصنعوا آلهة العجوة..؟!
حاولت تهدئة زوجتي فقلت لها.. ما تنسيش برضو إن السيسي خلصنا من الإخوان إللى كانوا هيضيعوا البلد..؟!.. فقالت: السيسي معملش غير الواجب.. وكتر خيره على كده.. لكن متبقاش لبانة.. ونرجع تاني زي أيام مبارك.. وكأن مصر مفيهاش غيره..!
فقلت: يعني إنتي مش عاجبك قصة ترشح السيسي للرئاسة؟!.. فقالت: قصة إيه وزفت إيه.. الفيلم كله مناظر مبتذلة زي أفلام السبكي بالظبط.. وأنا لو مكان السيسي سأصدر قرار بمنع أي واحد يتكلم باسمي وإللي يخالف كده يعاقب.. ولو عاوز يعمل فينا معروف فعلا.. يكمل جميله ويخلصنا من الأشكال دي..!
فيتو
ربنا يشفيهم.. ويكون في عون «السيسي» إللي مستحمل الأشكال دي لغاية دلوقت.. هكذا كان تعليق زوجتي المصون على خبر اعتزام حملة «كمّل جميلك» لترشح وزير الدفاع الفريق أول عبد الفتاح السيسي رئيسًا للجمهورية، رفع دعوه قضائيه ضد السيسي حال رفضه الاستجابة للإرادة الشعبية المطالبة بتوليه رئاسة الجمهورية رغم أنفه..!
ولأن زوجتي المصون ست دوغري وليس لها في اللف أو الدوران.. ومن الشقة للبيت ومن البيت للشقة.. فقد قالت كلاما غير مسموح بنشره، تهاجم فيه أعضاء الحملة.. ليس لأنها ضد السيسي لا سمح الله.. ولكنها ضد الطريقة الفجة والنفاق المبتذل الذي يتعامل به البعض تجاه الفريق.. وهي طريقة تكاد تكون أرخص من نفاق بعض السلفيين للإخوان..!
ولأن أيضا لسان زوجتي زي مضرب التنس.. فقد أطلقت له العنان، عندما بررت حملة «كمل جميلك» سبب رفعها للدعوى ضد السيسي، بأن الفريق خرق الاتفاق إللي بينه وبين الشعب في 30 يونيو، و3 يوليو، و26 يوليو.. وقالت زوجتي: ليه بيعملوا كده في الراجل.. هو كان طلب منهم إنهم يعملوا كده.. ولا هما بيحبوا يصنعوا آلهة العجوة..؟!
حاولت تهدئة زوجتي فقلت لها.. ما تنسيش برضو إن السيسي خلصنا من الإخوان إللى كانوا هيضيعوا البلد..؟!.. فقالت: السيسي معملش غير الواجب.. وكتر خيره على كده.. لكن متبقاش لبانة.. ونرجع تاني زي أيام مبارك.. وكأن مصر مفيهاش غيره..!
فقلت: يعني إنتي مش عاجبك قصة ترشح السيسي للرئاسة؟!.. فقالت: قصة إيه وزفت إيه.. الفيلم كله مناظر مبتذلة زي أفلام السبكي بالظبط.. وأنا لو مكان السيسي سأصدر قرار بمنع أي واحد يتكلم باسمي وإللي يخالف كده يعاقب.. ولو عاوز يعمل فينا معروف فعلا.. يكمل جميله ويخلصنا من الأشكال دي..!
فيتو
